• "Хүний эрх, эрх чөлөөг орон даяар, цаг ямагт хүн бүрт"

"Хүний эрхийн тухай ярилцъя" өглөөний уулзалтад урьж байна

Монгол Улсын Хүний эрхийн Үндэсний Комисс, Нээлттэй нийгэм форум хамтран зохион байгуулдаг “Хүний эрхийн тухай ярилцъя” Өглөөний уулзалтад Та бүхнийг хүрэлцэн ирэхийг урьж байна. Уулзалт 2020 оны 01-р сарын 16-ны өдрийн 08:00–10:00 цагт “ХҮНИЙ ЭРХ: ӨЧИГДӨР, ӨНӨӨДӨР, МАРГААШ” сэдвийн хүрээнд “Нээлттэй нийгэм форум”-ын Хурлын танхимд болно. Уулзалтын зочноор ГХЯ-ны Хүний эрхийн хэлтсийн дарга, Монгол Улсын Хүний эрхийн зөвлөлийн гишүүн (2016-2018) В.Оюу оролцоно.

Зорилго: Өглөөний уулзалт нь хүний эрхийн тулгамдсан асуудал, чухалчлагдаж буй сэдвийн хүрээнд төр, иргэний нийгмийн байгууллага, судлаач, иргэдийн үзэл бодол, байр суурийг харилцан солилцуулах, арга туршлагыг нэвтрүүлэх, улмаар хүний эрхийн мэдлэг ойлголтыг хөгжүүлэх, түгээн дэлгэрүүлэхэд хувь нэмрээ оруулах зорилготой.

Оролцогчид:
Өглөөний уулзалт нь хүний эрхийн чиглэлээр ажилладаг, судалдаг, сонирхдог хүн бүхэнд нээлттэй бөгөөд уг хэлэлцүүлэгт таны үзэл бодол, байр суурь, хамтын ажиллагаа чухал хувь нэмэр болно гэдэгт итгэлтэй байна.

Та бүхэн дэлгэрэнгүй мэдээлэл авахыг хүсвэл дараах хаягаар холбоо барина уу.

З. Бадмаараг Монгол Улсын Хүний эрхийн Үндэсний Комисс
Цахим шуудан: z.badmaarag@nhrcm.gov.mn
Утас: 262752 (51)

Б.Үүрийнтуяа Нээлттэй нийгэм форум
Цахим шуудан fellowship@forum.mn
Утас: 313207 (128)