Хүний эрхийн Үндэсний Комиссын дэргэдэх Иргэний нийгмийн зөвлөлийн 2023 оны анхны хуралдаан өнөөдөр /2023.01.27/ боллоо.
Уг хуралдаанаар
- ХЭҮК-ын өнгөрөгч 2022 онд хэрэгжүүлсэн онцлох ажил болон 2023 оны гүйцэтгэлийн төлөвлөгөө,
- Монгол Улс дахь Хүний эрх, эрх чөлөөний байдлын талаарх 22 дахь илтгэлийн сэдэв,
- Хүний эрх хамгаалагчийн хорооны үйл ажиллагаа, хүндрэл бэрхшээл, хорооны ажиллах журам, цаашид анхаарах асуудал
- Эрүү шүүлтээс урьдчилан сэргийлэх үндэсний ажиллагааны үйл ажиллагаа
- Олон нийтийн сүлжээнд хүний эрхийг хамгаалах тухай хуулийн талаарх Комиссын байр суурь, оролцоо гэсэн таван сэдвээр мэдээлэл солилцлоо.
Хуралдаанд ХЭҮК-ын гишүүн Х.Мөнхзул, Тамгын газрын дарга Ц.Адъяахишиг болон Иргэний нийгмийн зөвлөлийн гишүүд оролцов.
Ташрамд дурдахад, Иргэний нийгмийн зөвлөл нь Монгол Улсын Хүний эрхийн Үндэсний комиссын тухай хуульд заасны дагуу ХЭҮК-ын үйл ажиллагаанд дэмжлэг үзүүлэх чиг үүрэгтэй юм.
Иргэний нийгмийн зөвлөл нь хүний эрхийн асуудал эрхэлсэн ашгийн төлөө бус хуулийн этгээд, эрдэм шинжилгээний байгууллага, их, дээд сургуулийн багш, судлаач, хүүхдийн эрх, эмэгтэйчүүдийн эрх, эрэгтэйчуүдийн эрх, үндэсний цөөнхийн болон хэлний цөөнхийн эрх зэрэг хүний эрхийн чиглэлээр ажилладаг иргэний нийгмийн байгууллагуудын төлөөлөл бүхий 18 гишүүнтэй.
