Комиссын гишүүн П.Оюунчимэгээр ахлуулсан ажлын хэсэг 2017 оны 5 дугаар сарын 25-ны өдөр ШШГЕГ-ын харьяа хорих 425 дугаар ангид хяналт шалгалт хийсэн бөгөөд энэхүү хяналт шалгалтын дүнгийн хурлыг 2017 оны 6 дугаар сарын 6-ны өдөрКомиссын байранд зохион байгуулав. Тус хуралд Комиссын дарга Ж.Бямбадорж, гишүүн П.Оюунчимэг, Н.Ганбаяр, ШШГЕГ-ын Тогтоол гүйцэтгэх газрын дарга, хурандаа П.Хосбаяр, ШШГЕГ-ын харьяа Хорих 425 дугаар ангийн дарга, хошууч Э.Тамир, УЕПГ-ын хяналтын прокурор Н.Найгалдорж болон бусад албаны хүмүүс оролцож, хяналт шалгалтаар илэрсэн нөхцөл байдал, цаашид авах арга хэмжээний талаар хэлэлцэв.