• "Хүний эрх, эрх чөлөөг орон даяар, цаг ямагт хүн бүрт"

"Хуульчийн про боно өдөр" буюу иргэдэд хууль зүйн зөвлөгөө мэдээллийг үнэ төлбөргүй өгөх өдөрлөг болно

Монголын Хуульчдын холбоо, Хуульчийн нийтэд тустай мэргэжлийн үйл ажиллагаа эрхэлсэн хороо, Аймгийн Засаг даргын Тамгын газар болон хуулийн байгууллагуудтай хамтран жил бүрийн тавдугаар сарын 01-ний өдрийг "Хуульчийн про боно өдөр" болгон тэмдэглэдэг уламжлалтай. Энэ жилийн хувьд “Ковид-19”-ийн халдвараас сэргийлж олон нийтийг хамарсан үйл ажиллагаа зохион байгуулахыг хориглосон тул иргэдэд зөвлөгөө мэдээлэл өгөх ажлыг цахимаар болон утсаар зохион байгуулах гэж байна.

Иргэд Та бүхэн 2021 оны тавдугаар сарын 01-ний өдөр ilaw аппликэйшн, Хууль эрх зүйн хэлтсийн фэйсбүүк хуудас болон тусгай дугааруудад холбогдож, хууль зүйн зөвлөгөө мэдээллийг үнэ төлбөргүй аваарай.