Жил бүрийн 12 дугаар сарын 03 буюу "Олон улсын хөгжлийн бэрхшээлтэй иргэдийн эрхийг хамгаалах өдөр” –ийн хүрээнд "Хөгжлийн бэрхшээлтэй иргэдээ сонсъё” хэлэлцүүлгийг 2017 оны 11 сарын 28-нд Сүмбэр сумын ЗДТГ-ын иргэний танхимд болов. Уг хэлэлцүүлэгт аймгийн Нийгмийн бодлогын хэлтэс, Хөдөлмөр халамж үйлчилгээний газар, Эрүүл мэнд нийгмийн даатгалын хэлтэс, ХЭҮК-ын ахлах мэргэжилтэн, Хөгжлийн бэрхшээлтэй иргэдийн холбоо ТББ, хөгжлийн бэрхшээлтэй 25 иргэн оролцов. Уг хэлэлцүүлэгт ХЭҮК-ын танилцүүлга, Хүний эрхийн үндсэн ойлголт, Хөгжлийн бэрхшээлтэй хүний эрх зэрэг сэвдээр мэдээлэл хийж, гарын авлага тарааж ажиллав.