Монгол Улсын Хүний эрхийн Үндэсний Комиссын Говь-Алтай аймаг дахь хүний эрхийн үндэсний комиссын орон нутгийн ахлах мэргэжилтэн Б.Ариунжаргал нь 2019 оны 01 дүгээр сард ажлаасаа чөлөөлөгдснөөр тус аймагт хүний эрхийн асуудал хариуцсан ахлах мэргэжилтэн 2020 оны 06 дугаар сар хүртэл сул орон тоотой явсан билээ. 2017 онд шинээр батлагдсан Төрийн албаны тухай хуулийн дагуу сул орон тоог нөхөн бүрдүүлж төрийн үйлчилгээг тасралтгүй явуулах үүднээс Аймгийн Засаг даргын Тамгын газрын Хууль эрх зүйн хэлтсийн сургалт сурталчилгаа, хүний эрхийн асуудал хариуцсан мэргэжилтэн А.Наранбаатарыг Комиссын даргын 2020 оны 06 дугаар сарын 22 өдрийн Б/46 дугаар тушаалаар томиллолоо. Хүний эрхийн Үндэсний Комисс нь 2001 оны 2 дугаар сарын 2–ны өдөр гишүүд тангараг өргөснөөр Монгол Улсын Хүний эрхийн Комиссын бүрэн эрх хэрэгжиж эхэлсэн гэж үздэг. 2001 оны 2 дугаар сарын 20-нд Комиссын Ажлын албыг анх байгуулжээ. Монгол Улсын Хүний эрхийн Үндэсний Комиссын тухай хуулийн шинэчилсэн найруулгыг баталсантай холбогдуулан 2020 оноос Хүний эрхийн Үндэсний Комиссын Ажлын албыг Тамгын газар болгон өөрчилсөн.
Тамгын газар нь Комиссыг тасралтгүй, хэвийн жигд үйл ажиллагаагаар хангах, дарга, гишүүдэд бүрэн эрхээ хэрэгжүүлэхэд нь мэргэжил, арга зүйн дэмжлэг үзүүлэх үндсэн чиг үүрэгтэй. Говь-Алтай аймаг дахь орон нутгийн хүний эрхийн асуудал хариуцсан ахлах мэргэжилтэн нь Ажлын 5 өдөр иргэд аж ахуйн нэгж, төрийн болон төрийн бус байгууллагуудад хүний эрх, эрх чөлөөг хамгаалах хангах, сургалт сурталчилгаа зохион байгуулахаас гадна иргэн аж ахуй нэгжээс гаргасан өргөдөл гомдлын хүрээнд хяналт шалгалтыг ажлыг зохион байгуулж шаардлагатай тохиолдолд зөвлөмж, шаардлага хүргүүлэн ажилладаг.
Цахим шуудан: govi-altai@nhrcm.gov.mn
Хаяг: Говь-Алтай аймаг, Есөнбулаг сум, Нутгийн Удирдлагын ордон 105 тоот өрөө ажлын утас: 70484322, гар утас: 91203824,
