Хүний эрхийн Үндэсний Комиссоос “Гэр бүлийн харилцаан дахь жендэр ба хүний эрхийн асуудал” судалгааны ажлын гүйцэтгэгчийг сонгон шалгаруулах тул мэргэжлийн байгууллагууд мэдүүлгээ ирүүлэхийг урьж байна.

Cудалгааны зорилго: Гэр бүлийн харилцаан дахь жендэрийн эрх тэгш байдлын талаарх хууль тогтоомжийн зохицуулалт, бодлогын баримт бичиг, төрийн байгууллагуудын чиг үүргийн хэрэгжилт, жендэрийн тэгш байдал, жендэрийн ялгаварлан гадуурхалт, хүний эрхийн асуудалд дүн шинжилгээ хийж, бодлогын зөвлөмж гаргах, улмаар Монгол Улс дахь хүний эрх, эрх чөлөөний байдлын талаарх 23 дахь илтгэлд гэр бүлийн харилцаан дахь жендэрийн эрх тэгш байдал, хүний эрхийн талаар тусгаж, тодорхой шийдвэр гаргахад чиглэгдэнэ.

АЖИЛ ГҮЙЦЭТГЭГЧИД ТАВИГДАХ ШААРДЛАГА:

Судалгааны баг:

Судалгааны багт дараах шаардлагууд тавигдана. Үүнд:

1. Судалгааны ажлын туршлагатай, хамтарсан баг байх
2. Монгол Улсын хуулийн дагуу татвар, хураамж, төлбөрөө төлдөг байх
3. Судалгааны баг нь 3-аас доошгүй тооны голлох мэргэжилтнээс бүрдсэн байх

Голлох мэргэжилтнүүд нь дараах шаардлагыг хангасан байвал зохино. Үүнд:

А. Хууль зүй, нийгмийн ухааны салбарын мэргэжилтэн- Багийн ахлагч

- Хууль эрх зүй, хүний эрх, жендэрийн чиглэлээр судалгаа хийж, жендэрийн дүн шинжилгээний ажил хийж байсан туршлагатай, үнэлгээ хийж мэргэшсэн, хууль тогтоомжийн хэрэгжилтийн үр дагаварт үнэлгээ хийж байсан мэргэжлийн хуульч байх

- Мэдээ, мэдээлэл боловсруулах, дүн шинжилгээ хийх, холбогдох хэрэглээний программ ашиглах, баримт бичиг боловсруулах, илтгэх, тайлагнах ур чадвартай байх

- Багаар ажиллах, ажлыг богино хугацаанд зохион байгуулах, даалгавар биелүүлэх, талуудтай хамтран ажиллах, харилцааны өндөр ур чадвартай байх

Б. Хүний эрх, жендэр, гэр бүл судлаач

- Өрх, гэр бүлийн харилцаан дах жендэрийн эрх тэгш байдлын талаар судалгаа хийж, харилцан хамаарлыг тодорхойлох чиглэлээр мэргэшсэн байх

- Жендэрийн судалгаа, бодлогын баримт бичиг боловсруулахад оролцож байсан туршлагатай байх

- Мэдээ, мэдээлэл боловсруулах, дүн шинжилгээ хийх, холбогдох хэрэглээний программ ашиглах, баримт бичиг боловсруулах, илтгэх, тайлагнах ур чадвартай байх

- Багаар ажиллах, ажлыг богино хугацаанд зохион байгуулах, даалгавар биелүүлэх, талуудтай хамтран ажиллах, харилцааны өндөр ур чадвартай байх

В. Нийгмийн бодлогын судлаач

- Өрх, гэр бүл, нийгмийн судалгаа шинжилгээний болон бодлогын зөвлөмж боловсруулах ажилд оролцож байсан ажлын туршлагатай байх.

- Мэдээ, мэдээлэл боловсруулах, дүн шинжилгээ хийх, холбогдох хэрэглээний программ ашиглах, баримт бичиг боловсруулах, илтгэх, тайлагнах ур чадвартай байх

- Багаар ажиллах, ажлыг богино хугацаанд зохион байгуулах, даалгавар биелүүлэх, талуудтай хамтран ажиллах, харилцааны өндөр ур чадвартай байх

Хууль эрх зүй, хүний эрх, жендэрийн чиглэлээр мэргэшсэн болон бүтээл гаргасан, бодлого боловсруулсан, төсөл хөтөлбөр хэрэгжүүлсэн бол давуу тал болно.

Төсөв: 19,000,000 төгрөг

Гүйцэтгэх хугацаа: 120 өдөр

Дээрх шаардлагыг хангасан сонирхсон этгээд доорх материалыг бүрдүүлэн 2023 оны 07 дугаар сарын 26-ны өдрийн 17.30 цагаас өмнө b.bolorzul@nhrcm.gov.mn и-мэйл хаягаар ирүүлнэ үү.

• Байгууллагын хүсэлт;
• Байгууллагын танилцуулга, улсын бүртгэлийн гэрчилгээ;
• Сүүлийн 5 жилд гүйцэтгэж байсан ижил төстэй ажлын жагсаалт;
• Судалгааг гүйцэтгэх багийн удирдлага, зохион байгуулалтын мэдээлэл;
• Судалгааны ажлын цар хүрээг тоймлох, ажлын төлөвлөгөө, судлах зүйл, арга зүй, аргачлал тодорхойлсон төсөл;
• Санхүүгийн санал бүхий судалгааны төсөвт багтаасан тооцоолол.

Энэ талаарх дэлгэрэнгүй мэдээллийг 99053393 утсаар холбогдон авна уу.