Хүний эрхийн Үндэсний Комиссоос “Шударгаар шүүлгэх эрхийн хэрэгжилтийг үнэлэх аргачлал боловсруулж, жишиг тайлан гаргах” ажлын гүйцэтгэгчийг сонгон шалгаруулах тул мэргэжлийн байгууллага болон судлаачдын баг мэдүүлгээ ирүүлэхийг урьж байна.

CУДАЛГААНЫ ЗОРИЛГО:

Шударгаар шүүлгэх эрхийн хэрэгжилтийг үнэлэх шалгуур үзүүлэлт бүхий аргачлалыг боловсруулж, зарим үзүүлэлтээр жижиг тайлан гаргахад чиглэгдэнэ.

АЖИЛ ГҮЙЦЭТГЭГЧИД ТАВИГДАХ ШААРДЛАГА:

Судалгааны багт дараах ерөнхий шаардлагууд тавигдана. Үүнд:

• Судалгаа, дүн шинжилгээний ажил гүйцэтгэж байсан туршлагатай байх;
• Монгол Улсын хуулийн дагуу татвар, хураамж, төлбөрөө төлдөг байх;
• Судалгааны баг нь хууль, эрх зүй, хүний эрх, статистик дүн шинжилгээний чиглэлээр мэргэшсэн 3-аас доошгүй шинжээчээс бүрдсэн байх.

Судалгааны баг, шинжээчид дараах нарийвчилсан шаардлагыг хангасан байвал зохино. Үүнд:

• Хууль, эрх зүй, эрүүгийн процессын эрх зүй, хүний эрхийн чиглэлээр судалгаа, дүн шинжилгээний ажил хийж байсан, хууль тогтоомжийн хэрэгжилтийн үр дагаварт үнэлгээ хийх, аргачлал боловсруулж байсан туршлагатай байх;
• Статистик мэдээлэлд тулгуурлан дүн шинжилгээ хийж, индекс боловсруулж тайлагнах ур чадвартай байх;
• Хууль, эрх зүй, шүүх эрх мэдэл, хүний эрхийн чиглэлээр бодлогын зөвлөмж боловсруулах туршлагатай байх;
• Мэдээ, мэдээлэл боловсруулах, дүн шинжилгээ хийх, холбогдох хэрэглээний программ ашиглах, баримт бичиг боловсруулах, илтгэх, тайлагнах ур чадвартай байх;
• Багаар ажиллах, ажлыг богино хугацаанд зохион байгуулах, даалгавар биелүүлэх, талуудтай хамтран ажиллах, харилцааны өндөр ур чадвартай байх;
• Гадаад хэл дээр эх сурвалж ашиглаж, харьцуулсан дүн шинжилгээ хийх чадвартай байх.
• Төсөв: 15,000,000 төгрөг

Гүйцэтгэх хугацаа: 90 өдөр

Дээрх шаардлагыг хангасан сонирхсон этгээд дараах материалыг бүрдүүлэн 2023 оны 10 дугаар сарын 12-ны өдрийн 17.30 цагаас өмнө n.zoljargal@nhrcm.gov.mn и-мэйл хаягаар ирүүлнэ үү.

• Байгууллагын хүсэлт;
• Байгууллагын танилцуулга, улсын бүртгэлийн гэрчилгээ;
• Сүүлийн 5 жилд гүйцэтгэж байсан ижил төстэй ажлын жагсаалт;
• Судалгааг гүйцэтгэх багийн удирдлага, зохион байгуулалтын мэдээлэл;
• Судалгааны ажлын цар хүрээг тоймлох, ажлын төлөвлөгөө, судлах зүйл, арга зүй, аргачлал тодорхойлсон төсөл;
• Санхүүгийн санал бүхий судалгааны төсөвт багтаасан тооцоолол.
• 
  
• 
  

Энэ талаарх дэлгэрэнгүй мэдээллийг 51-262786, 99912675 утсаар холбогдон авна уу.