Хүний эрхийн Үндэсний Комиссоос Монгол Улс дахь Хүний эрх, эрх чөлөөний байдлын талаарх 22 дахь илтгэлийг 2023 оны гуравдугаар сард багтаан УИХ-д өргөн барих ёстой. Энэ хүрээнд ХЭҮК-ын дэргэдэх “Хүний эрхийн төлөө сэтгүүлчид” клубын гишүүн сэтгүүлчдэд илтгэл танилцуулах уулзалтыг гуравдугаар сарын 25-нд зохион байгууллаа.

“Хүний эрхийн төлөө сэтгүүлчид” клубт хэвлэл мэдээллийн 56 сэтгүүлч бүртгэлтэй байдаг бөгөөд улирал тутамд гишүүнчлэлээ шинэчилдэг.

Энэ удаагийн уулзалтад нийт 29 хэвлэл мэдээллийн байгууллагын 30 сэтгүүлч хамрагдлаа.

Монгол Улс дахь Хүний эрх, эрх чөлөөний байдлын талаарх 22 дахь илтгэл нийт 7 бүлэгтэй ба Комиссын гишүүний шаардлага, зөвлөмжийн биелэлтийг тусгаж байгаагаараа өмнөх илтгэлүүдээс онцлогтой.

Илтгэл танилцуулах уулзалт ХЭҮК-ын дарга Ж.Хунан, Хүний эрх хамгаалагчийн асуудал эрхэлсэн гишүүн С.Дондов, Комиссын гишүүн Х.Мөнхзул, Г.Нарантуяа, Д.Сүнжид, Б.Энхболд, Тамгын газрын дарга Ц.Адъяахишиг, Сурталчилгаа хариуцсан референт Б.Энхбаяр, Хэвлэл, мэдээлэл хариуцсан мэргэжилтэн Г.Нацаг-Эрдэнэ нар оролцлоо.

МОНГОЛ УЛС ДАХЬ ХҮНИЙ ЭРХ, ЭРХ ЧӨЛӨӨНИЙ БАЙДЛЫН ТАЛААРХ 22 ДАХЬ ИЛТГЭЛД ДАРААХ СЭДЭВ БАГТСАН.

I БҮЛЭГ: ХАЛДАШГҮЙ ЧӨЛӨӨТЭЙ БАЙХ ЭРХ

-Сэжигтнийг баривчлах ажиллагаа

-Цагдан хорих таслан сэргийлэх арга хэмжээ

-Бүх насаар хорих ял

-Эмнэлгийн чанартай албадлагын арга хэмжээ

II БҮЛЭГ: ИРГЭНИЙ ОРОЛЦООНЫ ЭРХ ЗҮЙН ЗОХИЦУУЛАЛТ

-Тайван хуран чуулах эрх чөлөөний эрх зүйн зохицуулалт

-Хэвлэл мэдээллийн эрх чөлөөний эрх зүйн зохицуулалт

-Төрийн бус байгууллагын эрх зүйн зохицуулалт

III БҮЛЭГ: ХӨДӨЛМӨРЛӨХ ЭРХИЙН ЗАРИМ АСУУДАЛ

-Төрийн тусгай болон төрийн үйлчилгээний албан хаагчдын хөдөлмөрлөх эрхийн хэрэгжилт

-Хоригдлын хөдөлмөрлөх эрх

IV БҮЛЭГ: ХҮҮХДИЙН ЭРХИЙН ЗАРИМ АСУУДАЛ

-Хүүхдийн эрхийн хууль зүйн хорооны үйл ажиллагаа

-ЕБС-ийн дотуур байр дахь хүүхдийн эрх

V БҮЛЭГ: АХМАД НАСТНЫ ЭРХ, ХАМГААЛАЛ

-Нийгмийн хамгаалал,

-Хөдөлмөрлөх эрх,

-Эрүүл мэндээ хамгаалуулах эрх,

-Хөгжих эрх,

-Хүчирхийллээс ангид байх эрх

VI БҮЛЭГ: ХҮНИЙ ЭРХ ХАМГААЛАГЧИЙН ЭРХ, ХАМГААЛАЛТ

-Хүний эрх хамгаалагчийн нөхцөл байдал

-Хүний эрх хамгаалагчийн эрх зөрчигдөж буй байдал

-Тогтолцоог бэхжүүлэх шаардлага, тулгамдаж буй асуудал