Монгол Улсад Хүний эрх хамгаалагчийн эрх зүйн байдлын тухай хууль батлагдсанаар Хүний эрх хамгаалагчийг хамгаалах үндэсний тогтолцоо шинээр байгуулагдсан билээ. 

Хүний эрх хамгаалагчийг хамгаалах үндэсний тогтолцоо болон Хүний эрх хамгаалагчийн хорооны үйл ажиллагааг сурталчлан таниулах зорилгоор 2023 оны 06 дугаар сарын 06-наас 09-ний өдрүүдэд ХЭҮК-ын Хүний эрх хамгаалагчийн хэлтсийн дарга З.Өнөржаргал, Увс аймаг дахь референт Я.Хонгорзул, Хүний эрх хамгаалагчийн хэлтсийн ажилтан А.Балдангомбо нар Увс аймагт ажиллаж байна.

Тус ажлын хэсэг орон нутагт ажиллаж буй хуульч, өмгөөлөгч, иргэний нийгмийн байгууллага, сэтгүүлч болон үйлдвэрчний эвлэлийн байгууллагын сонгуульт ажилтнууд, хүний эрх хамгаалагч иргэдэд “Хүний эрх хамгаалагчийг хамгаалах үндэсний тогтолцоо” сэдвээр танилцуулга хийж, улмаар Улаангом сумын 3, 4, 5, 6 дугаар багийн иргэдэд “Хүний эрх хамгаалагч” кино хэлэлцүүлэг хийж, хэлэлцүүлэг зохион байгуулав.

Түүнчлэн 06 дугаар сарын 07, 08-ны өдрүүдэд Төрийн захиргааны алба хаагчид болон иргэний нийгмийн байгууллагуудын төлөөлөлд “Хүний эрх хамгаалагч” сургалт зохион байгуулахын зэрэгцээ тус өдрүүдийн 16.00 цагаас Улаангом сумын багийн иргэдэд “Хүний эрх хамгаалагч” кино хэлэлцүүлгийг үргэлжлүүлэн зохион байгуулна.