Монгол Улсын Хүний эрхийн Үндэсний Комиссын тухай хуульд заасны дагуу Хүний эрхийн Үндэсний Комисс үйл ажиллагаа явуулахад дэмжлэг үзүүлэх чиг үүрэг бүхий, хүний эрхийн талаар идэвхтэй үйл ажиллагаа явуулдаг иргэний нийгмийн байгууллагуудын төлөөллөөс бүрдсэн Иргэний Нийгмийн Зөвлөл ажилладаг.

Тус зөвлөл нь Хүний эрхийн Үндэсний Комиссын үйл ажиллагаанд олон талт төлөөллийг хангах чухал үүрэг гүйцэтгэдэг юм. Зөвлөлийн бүрэлдэхүүнийг 3 жил тутам шинэчилдэг дүрэмтэй билээ. 2022 оны 05 дугаар сарын 17-ны өдөр дүрмийн дагуу Иргэний Нийгмийн Зөвлөлийн бүрэлдэхүүнийг шинэчлэн томилсон билээ. Зөвлөлийн даргаар Хүний эрхийн Үндэсний Комиссын гишүүн Х.Мөнхзул ажиллаж байна.

Иргэний Нийгмийн Зөвлөлийн бүрэлдэхүүн:

1. Иргэний болон улс төрийн эрх- М.Энхбадрал (Цогц Хөгжлийн Үндэсний Төвийн гүйцэтгэх захирал)
2. Иргэний болон улс төрийн эрх- Б.Пүрэвсүрэн (Глоб Интернэшнл төвийн хуульч, өмгөөлөгч)
3. Иргэний болон улс төрийн эрх- Н.Номун-Эрдэнэ (“Хилийн Чанад дахь Монголчуудын Зөвлөл" НҮТББ-ын тэргүүн)
4. Иргэний болон улс төрийн эрх- Х.Мөнхбаяр (Монголын Улс Төрийн Хэлмэгдэгсдийн Холбоо, ШУТИС-ийн багш)
5. Иргэний болон улс төрийн эрх- Н.Мягмарцоож (Монгол Улсын Боловсролын их сургуулийн Сургалт эрхэлсэн дэд захирал)
6. Эдийн засаг, нийгэм, соёлын эрх- С.Эрдэнэбат (Монголын Үйлдвэрчний Эвлэлийн Холбооны ерөнхийлөгч)
7. Эдийн засаг, нийгэм, соёлын эрх- Б.Өүлэн-Эрдэнэ (“Тархан Суусан Монголчууд” НҮТББ-ын “ТАСАМ” монгол судлалын төслийн судлаач)
8. Эдийн засаг, нийгэм, соёлын эрх- Б.Өлзийсайхан (Эрдэм сургалт судалгааны хүрээлэн ТББ-ын захирал)
9. Эдийн засаг, нийгэм, соёлын эрх- Р.Очирбал (Монголын Эмнести интернэшнлийн Удирдах зөвлөлийн дэд дарга)
10. Эдийн засаг, нийгэм, соёлын эрх- Д.Эрдэнэчимэг (Нээлттэй нийгэм форумын Засаглалын хөтөлбөрийн менежер)
11. Хүүхдийн эрх- Д.Ундраа (Хүүхдийн эрх хамгааллын төвийн зөвлөх)
12. Эмэгтэйчүүдийн эрх- Н.Арвинтариа (Хүчирхийллийн Эсрэг Үндэсний Төвийн захирал)
13. Эрэгтэйчүүдийн эрх- М.Чинзориг (Монголын эрэгтэйчүүдийн холбооны удирдах зөвлөлийн гишүүн)
14. Ахмад настны эрх- Б.Цэцэгсүрэн (Монголын aхмадын холбооны Ажлын албаны ахлах мэргэжилтэн)
15. Хөгжлийн бэрхшээлтэй хүний эрх- Б.Чулуундолгор (Монголын тэргэнцэртэй иргэдийн үндэсний холбооны тэргүүн)
16. Үндэстний цөөнхийн эрх- Б.Ардак (“Бүх нийт боловсролын төлөө!” Иргэний нийгмийн үндэсний эвсэл Налайх дүүргийн салбар, зөвлөлийн зохицуулагч)
17. Хэлний цөөнхийн эрх- Г.Галтайхүү (Чинаагийн Галсан сангийн тэргүүн)
18. Бэлгийн цөөнхийн эрх- Э.Энхмаа (ЛГБТ Төв ТББ-ын гүйцэтгэх захирал)

ИНЗ-ийн гишүүний бүрэн эрхийн хугацаа 3 жил байх ба дараагийн гишүүн томилогдсоноор дуусгавар болдог дүрэмтэй. Жич: Монгол Улсын Хүний эрхийн Үндэсний Комиссын тухай хуулийн шинэчилсэн найруулгыг 2020 оны 01 дүгээр сарын 23-нд УИХ-ын чуулганаар баталсантай холбогдуулан тус зөвлөлийн нэр, дүрэмд өөрчлөлт орсон болно.

Иргэний нийгмийн зөвлөлийн дүрэмтэй танилцахыг хүсвэл энд дарна уу.